ORAINPREBENTZIOA Elkarteak hainbat biltzar, hitzaldi eta mota askotako ekitaldietan parte hartu du, prebentzio-proiektu ezberdinetan dugun esperientzia zabala partekatuaz.
– ERAIKIZ ekimena
Irunen 2019an egindako Expogrow Azokan, Eraikiz ekimenaren aurkezpena. Ekimenaren helburua da Euskadiko Cannabisaren Elkarte Sozialentzat elkartzeko eta lan egiteko gune bat eraikitzea eta substantzia horren kontsumoarekin eta hortik eratorritako arriskuen eta kalteen prebentzioarekin zerikusia duten hainbat eragile biltzea.
-Cannabis Box Forum
Irunen 2017an egindako Expogrow Azokan, Cannabis Box Forum-ean parte hartu genuen. Bertan, substantzien kontsumoarekin eta batzuk helduen eta adingabeen artean integratze/normaltzearekin loturiko esperientzia ezberdinak partekatu eta aztertu genituen.
-Cannabisa eta Osasuna: Cannabisaren Euskadiko egoerari buruzko analisia eta hausnarketa
Renovatio Fundazioak, EUSFAC-ekin eta Regulacion Responsable plataformarekin lankidetzan, Miramar Jauregian (Donostia) 2017an antolatutako jardunaldian parte hartu genuen.
Prebentzio Mahaian hartu genuen parte, hizlari ezberdinekin batera. Bertan, cannabisaren kontsumoaren inguruan EAEko lurraldeko egungo egoerari buruzko analisia egin zen, zerbitzu ezberdinetatik hasi eta tartean dauden agenteetaraino. Orainprebentzioa Elkartetik CANNABIA eta PREVENIA programak aurkezteaz gain, azken urteetan horren inguruan garatutako proiektuetan lortutako emaitza ezberdinak aztertu genituen.
“Workshop Ungass: paradigma-aldaketa drogen egungo politiketan”, Regulación Responsable eta Donostiako Udalak Miramar Jauregian (Donostia) antolatua 2015. urtean.
Arlo eta erakunde ezberdinetako profesionalen artean lanerako espazioa sortzera bideratutako talde ezberdinetan hartu genuen parte, drogen politiken aldaketan helburuak eta estrategia adostearren.
–Cannabisaren Nazioarteko IV. Foro Soziala
“Cannabis y consumo responsable” liburuaren aurkezpena Cannabisaren Nazioarteko Foroan, 2015eko Expogrow Azokan, “Cannabisa eta kalteak murriztea” saioan.