Prebentzio adieraziaren barnean eta cannabisaren erabileran arriskuak eta kalteak murrizteko ikuspegitik begiratuta, liburuxkan cannabisaren erabilera egokiaren gaineko ideia sakontzen da. Ehunka erabiltzaile helduren hausnarketaren eta iruzkinen bidez egin da; erabiltzaile horiek esperientzia eta ezagutza zabala dute substantziaren inguruan, eta ORAIN elkarteak antolatutako tailerretan parte hartzen dute. Tailerretan norberaren zaintza eta erantzukizuna sustatzen dira. Era berean, substantziaren erabilerari dagokionean, autoerregulazioaren kontzeptua garatzen da.
8 orrialdeko dossierra. Bertsioa gazteleraz, euskaraz, frantsesez eta ingelesez.
Gida hau cannabisaren erabiltzaile helduei, kontsumitzaileekin lan egiten duten profesionalei eta ezagutza zabaldu nahi duten pertsona guztiei zuzenduta dago; baita, cannabisa zer den eta arduraz erabiltzeko nola jokatu behar den ulertu nahi dutenei ere. 2001etik gaur egun arte, cannabisaren kontsumitzaile talde ezberdinekin kontsumo arduratsuaren inguruan egindako tailerretan garatutakoa idatziz jaso da bertan.
Cannabisa modu egokian erabiltzen bada, bizitzeko estilo orekatuaren eta arduratsuaren zati izan daiteke. Baina beste edozein ohitura bezala, modu desegoki eta arduragabean ere erabili daiteke. Beraz, gakoa da substantzia nola erabiltzen den. Liburuan zehar, erabiltzaileak cannabisarekin duen harremanari buruzko garapen teorikoa eta lan pertsonala jasotzen dira, kontsumoaren gaineko erantzukizuna bere gain hartu eta erabilera egokiak ezartzearren. Modu horretan, erabilera kontzienteak, neurritsuak eta arduratsuak sustatzeaz gain, efektu negatiboak agertzeko aukera murriztu edo ezabatu nahi dira. Erabiltzaileen ehuneko jakin batentzat kontsumitzea arriskutsua denez, abstenitzea gomendatzen zaie.
Kontsumo guztiek arriskuak dituzte, eta cannabisa ez da kalterik egiten ez duen substantzia. Baina kontsumitzen jarraitzea aukeratzen duten pertsonek behar adinako informazioa eduki behar dute kontsumoak nola arrazionalizatu eta planifikatu erabakitzeko, erabilera desegokietatik eratorri daitezkeen arriskuak eta kalteak ahal den neurrian murriztuz edo ezabatuz eta cannabisaren erabilera arduratsuaren kultura sustatzen saiatuz.
Prezioa: 15€ (kontsultatu bidalketa-gastuak)
Liburua lortu nahi baduzu Jarri Harremanetan Gurekin
Mikel Cerezo osasun, prebentzio eta arriskuak murriztearen arloko profesional ezberdinekin elkarlanean. Regulación Responsable Plataforma. 2018
"Las sendas de la regulación del cannabis en España” liburuko artikulua. Regulación Responsable Plataforma. Iñaki Martínez Aldanondo eta Mikel Cerezo Ansoleaga. 2017
Iñaki Martínez Aldanondo. ORAIN Elkartea. 2005
Amando Vega, Iñaki Martínez. Droga-mendekotasunen Espainiako aldizkaria. 2005
Iñaki Martínez Aldanondo. 2012
Irratsaioa diseinatzea, egitea eta sortzea; bertan, drogen munduarekin loturiko gai ezberdinak jorratzen dira (albisteak, galderak, substantzien esposizioa, e.a. KKinzona Irratian eta Arrosa Irrati sarean eman zen. 2015-2016
Drogei eskainitako atala; “Conciencia Artificial”, Radio Vallekasko “Rozando la Distorsión” irratsaioan. 2015-17
Teknologia Berriak erabiltzearen gaineko arriskuen prebentzioari buruzko gure PLATAFORMA digitalera sartu nahi baduzu, ondorengo estekan egin dezakezu: www.orainteknologiberriak.es